1 ماۋسىمنان باستاپ ءۇي كارانتينىندە جاتقان تۇركىستان قالاسىنىڭ تۇرعىنى 10 ماۋسىمدا ءوزىن-ءوزى وقشاۋلاۋ كەزەڭىنىڭ اياقتالۋىن كۇتپەستەن قالادان كەتۋگە تىرىسقان. ازاماتتىڭ كوروناۆيرۋستىق ينفەكتسياعا شالدىعۋىنا بايلانىستى كارانتينگە جاتقىزىلعان ۋاقىتىنان 14 كۇننىڭ وتپەگەندىگى جونىندە «Turkistan» حالىقارالىق اۋەجايىندا Ashyq جوباسى اياسىندا بەلگىلى بولدى.
سانيتاريالىق-ەپيدەميولوگيالىق قىزمەت ورگاندارى وقشاۋلاۋ رەجيمىن بۇزۋشىعا اكىمشىلىك ايىپپۇل سالدى. اقبتك-ءنىڭ 452 بابىنا سايكەس ونىڭ مولشەرى 87 510 تەڭگەنى قۇرايدى.
تۇركىستان وبلىسىندا 10-15 ماۋسىم ارالىعىندا Ashyq اقپاراتتىق پلاتفورماسىنىڭ كومەگىمەن ءوزىن-ءوزى وقشاۋلاۋ رەجيمىن بۇزۋدىڭ 6 جاعدايى تىركەلگەن. قىزىل ءتۇس 2 پايدالانۋشىدا, سارى ءتۇس 4 پايدالانۋشىدا انىقتالعان.
